Ramthlengi@mami weds Robert. Vawiin June 3, 2011(Zirtawpni) chhun dar 1:30 pm hian Dawrpui Biak Inah an innei dawn.
Kan member Ramthlengi hi Kohhran Zaipawl member tangkai tak niin pasal a nei mai tur hi kan ui rualin Biak In hawng ngeia pasal a nei tur erawh kan lawm hle. Kristian chhungkaw din ngei turin duhsakna tinreng kan hlan e. Kohhran Zaipawl member-in thlalakpui tur a ni e.
Kan member leh KTP Upa Bial 3-na Committee Member tangkai tak, Pinky
May 26, 2011 (Ningani)-a Biak In Hawng ngeia pasal i nei tur hi a lawmawm kan ti em em a. Duhsakna kan hlan takzet a che. MCS Exam-a 1-na ni ngat pha hi Kristian Chhungkua din tur pawha No. 1 ni ngei turin duhsakna kan hlan chein Pathianin vengin awmpui che u rawh se.
Kan sawm che Isu kan zingah,
He inneihna ruai min kilpuia'n
April 6, 2011(Nilaini) Biak Inpui Hawn hi chhun dar 12-ah neih a ni a. Biak In tualah Upa Lalthlengliana'n kaihruaiin Souvenir 'BAWLHMUN-BETHEL' tih chu Aizawl CHhim Presbytery Moderator Rev. R. Lalengmawa, Lungleng I Pastor Bialtu ni bawk chuan a hmang a, hemi zawh hian Mission Vengthlang Kohhran-in Mission Veng Kohhran Thilpek min pek chu Kohhran Secretary Upa Lalliansawta'n Rev. C. Lianhmingthanga hnen atangin a dawng a. hemi zawh hian Biak In Thar chu Synod Moderator Rev. C. Sangliana'n a hawng ta a ni. Moderator hian a hawn zawh hnuin amah a lut hmasa ber a, Bialtu Pastor Rev. h Lalrinmawian zui lutin hetih lai hian kawgkhar hma lam atangin Kohhran Zaipawl member-te an rawn inzui ;lut bawk a, a zahawmin a mawi hle.
Biak Inchhung Inkhawm hi Rev. H. Lalrinmawia'n Bialtu Pastorin kaihruaiin baibul chhiar leh tawngtaina hun a hmang a. KHB 361 "Kan Kohhran ho lungphum chu' tih kan saho a. Chumi hnuah Kohhran Secretary, Upa Lalliansawta'n Inhmelhriattirna leh Report a pe a; hemi zawh hian THUCHHIAR INCHHAWN hun hman a ni. Kohhran Zaipawlin KHB 566 'Aw kan LALPA kahwvel entu' tih chu an sa a, Building Secretary Upa Dr. Tawnenga'n Biak In sak dan Report a pe a. Hemi zawh hian Biak In HLANNA hun kan hmang. Synod Choir'in ZION PATHIAN KHAWPUI tih chu nalh takin an rem ve leh a. Hemi zawh hian Rev. C. Lalsangliana hnen atangin thuchah ngaihthlak a ni. Hemi zawh hian KOHHAN ZAIPAWLPUI - Member 600 chuang awmna chuan 'Haleluia Chorus' an rem a, a ropui rem rem hle. hei hi Kohhran pakhat Zaipawlah chuan an la thahnem ber awm e. Lawmthu sawi tawngtai Upa C Hualkungan a nei a. Hemi zawh hian KHB 363 'nangma thil ropuite an sawi' tih chu lengkhawm thlukin kan sahova, Rev. Lalngurauva Raltein MALSAWMNA-in min tin a ni.
Thingpui Ruai leh zanriah ruaiin a zui a kan tlai hle.
